شیریوین سالوبلا قوللارین
دوشموشم بلایه قارداش
السیزم بو میداندا یالقیزام
گل اوزون هرایه قارداش
ییخدی لشگر منی آتدان قارداش
آلدی اطرافیمی عدوان قارداش
دوشدی علم الیمدن حسین جان
آدون دوشمز دیلیمدن حسین جان (۲)
تشنه لب قالوبدی قیزلارین
گوزلرینده اشگ حسرت
اوخلانوب سو مشگیم رقیّه‌دن
اولموشام آقا - خجالت
گلمرم خیمه‌لره جان قارداش
یولومی گوزلمه الان قارداش
دوشدی علم الیمدن حسین جان
آدون دوشمز دیلیمدن حسین جان (۲)
نهر علقم اوسته یاسه گل
درک ایدوم گوزل وصالون
فاطمه آنان گوئیا گلوب
گورمورم ولی جمالون
گوزومه باشدان آخور قان قارداش
قالمیشام حالی پریشان قارداش
دوشدی علم الیمدن حسین جان
آدون دوشمز دیلیمدن حسین جان (۲)
- سه شنبه
- 10
- فروردین
- 1400
- ساعت
- 12:42
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه