یا حسین - علقم اوسته طوفاندی
ووردولار-اوخ سو مشگیم اوخلاندی
گوزلریم - قانیله دولوب قارداش
قولسوزام - حالتیم پریشاندی
قوللاریم اگر دوشوب تندن
حامیم اهل‌بیت اطهاره
بو گوزوم بو ساغیم صولوم قربان
خیمده تشنه‌لب بالالاره
یا حسین - ای سلاله‌ی زهرا
مفخر - خاندان شیر خدا
نوکرم - من اوتوز بش ایلدی سنه
فخریدی - ئولسم ایندی بو قاپودا
دوغرانسام یولوندا بو چولده
چکمرم ال آقا بو دامندن
بیر ایچیم قان اولان سویا خاطر
اولموشام ایندی من خجل سندن
یا حسین - گیچمرم خیالوندان
گل آقا - فیض آلوم وصالوندان
سیّدی - سیل گوزومدن القانی
گوزلریم - نور آلا جمالوندان
عبّاسی بو صون نفس بیرده
غرق بحر وصال ایله قارداش
لایق شأنون ایتمدیم خدمت
لطف قیل - گل حلال ایله قارداش
- چهارشنبه
- 11
- فروردین
- 1400
- ساعت
- 22:21
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه