ای ساقی صحرای بلا
سنده گوزوموز واردی آقا
جان - او اوزون قوللارا قربان - یا ابوالفضل
ایله بو عشّاقیوه احسان - یا ابوالفضل
باغ و بهاریم - یا ابوالفضل
دار و نداریم - یا ابوالفضل
سن ای پسر شیر خدا
ایتدون جانیوی دینه فدا
جان - آقا یا باب‌الحوائج - یا ابوالفضل
سنده وار هر درده معالج - یا ابوالفضل
باغ و بهاریم - یا ابوالفضل
دار و نداریم - یا ابوالفضل
ای حیدر‌ثانی - ای فاطمه جانی
ای آقامین قولسوز علمداری - ابوالفضل
لشگر دینون اوجا سرداری - ابوالفضل
کان کرم - کان کرامت - یا ابوالفضل
قبریوه قویما - قالاخ حسرت - یا ابوالفضل
قربان او سوسوز لبلریوه
پرچم یاپوشان اللریوه
آغلارام احوالیوه هر آن - یا ابوالفضل
وای منه دوشدون نجه آتدان - یا ابوالفضل
سسلندون آقا دادیمه گل
اللّردیم امدادیمه گل
دوره‌می قارداش قشون آلدی - یا ابوالفضل
قولسوزام آتدان منی سالدی - یا ابوالفضل
گل ای شه خوبان - گل - گل سنه قربان
باشیمون اوسته دوروب اون یدّی ستمگر
کشمکش ایلور باشیمی کسماقا - خنجر
دی - یولومی گوزلمه‌سونلر - یا ابوالفضل
دی - منه سقّا دیمه‌سونلر - یا ابوالفضل
دار و نداریم - یا ابوالفضل
باغ و بهاریم - یا ابوالفضل
- چهارشنبه
- 11
- فروردین
- 1400
- ساعت
- 22:24
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه