حضرت عشق ایلیوب بنده نون حقینده کرم
آتمش اوچ ئیلدی اَلیمده مَنه هَمدَمدی قَلَم
نینوائی اُسرادن شهدادن یازارام
دلخوشام عشقیمه نیرنگ و ریا قاتمامشام
شُهرتِ کاذبه وجدان قزلین ساتمامشام
سر نوشتیمده یازوب خالقِ حَیّ اَزَلی
تاپمشام مَرتَبهء نوکریِ آلِ علی
یانارام عشقون اودیندا چاتارام مَنزَلَته
ساتمارام زینبه نوکرلیگیمی ، سَلطنته
من حسین شاعری اَم طالبِ آهَم دَردَم
عشق دلداره خیانت ایلَسَم نامَردَم
عَرشِ بَختیمده شاخان ماهِ مُنَوّردی حسین
دَهریده تا نَفَسیم وار مَنه سَروردی حسین
همّتِِ عشقیمی هیهات ئولونجَه کَم ایدَم
گُورَن اولماز منی سیم وزَرَه زانو خَم ایدَم
- پنج شنبه
- 12
- فروردین
- 1400
- ساعت
- 12:6
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه