غرض چاتوب اسرا عین آرمان یرینه
ستاره لرتوکولوب آی گونون باتان یرینه

حریم یاری گوروب خلوت ایتدیلرهیجان
آچوبدی پَر هره ئوز گوگلینون اُومان یرینه

او زائرینه علینون قیزی اولوب چاووش
حسین حسین دیدی چاووشِ نغمه خوان یرینه

سلام ویردی دیدی من سلامتم قارداش
سنونده شکراولا قبرون دونوب جنان یرینه

سُوروندی یدّی قدمَدن مزار یاره ساری
ئوزین یتوردی خانم گزدیگی امان یرینه

دیدی ننم توخیان یادگاری آلدیم حسین
گتوردوم الده سَنَد حُسنِ امتحان یرینه

باشیم آغاردی ولی دوشمدیم توانادن
مبارزه ایلدیم آلتی قهرمان یرینه

یادیمدا وار یخلان ساعتون دونَنکی کیمی
بویرده ناظرایدیم قاتلون چخان یرینه

من ال دعاده او قویمشدی چَکملی ایاقین
جسارتیله گوزل سینوون سنان یرینه

گهی اوسینه دن اوخ درمشم اوخای دیمشم
گه آچمشام آغاران زلفی سایبان یرینه

سُوارمشام گلِ جسمونده نیزه لریاراسین
فغانه گلمشم هجرونده نوحه خوان یرینه

بوچول اوچولدی حسین کوفیان تاپوب جرات
اَیقلادیلا قیزل گُللَری تیکان یرینه

مزاری یوخ بیلورم قاسمون بوصحراده
گتورمشم گلینی خیمه سی یانان یرینه

بوکاروان که گلوب کاش ئولیدی یوللاردا
فقط ئوزون ساغ اولیدون بوکاروان یرینه