عشقين دورولوب آخدى بولاغلارى بوگونده
سيراب ائله دى داغلارى باغلارى بوگونده
بير سؤيملى گول آچدى ولايت چمنينده
سوسن سؤيونوب گولدو دوداقلارى بوگونده
يار عشقينه كوسدوق غم و درد و محنیله
گؤر نه بئزنوب شادليق اُطاقلارى بوگونده
قويدو او موبارك قدمين چون یئرین اوسته
دؤندردى يئرى عدنه اياقلارى بوگونده
احسن او اوجا قدّينه هم وقرينه اولسون
حيرتده قويوبدور اوجا داغلارى بوگونده
شهلا گؤزو وار قاره قاشى غونچا دوداقى
لاله كيمى آلقاندى ياناقلارى بوگونده
هر يئر قدمين ئوپدى اولوب باغ کیمی گوم گؤی
هر بیر آغاجين گولدو بوداقلارى بوگونده
سوسن گولونون عطرِ گلِ نرگسى واردور
مدهوش ائليیب عطرى اوياقلارى بوگونده
منظوريم علىّ النّقي نین اوغلو حسندیر
نوريله، ایشیقلاندی رواقلارى بوگونده
آلدی قوجاقا هم آتاسي همده آناسى
گولّندى چيچكلندى قوجاقلارى بوگونده
تبريك ديور شيعهلر، اى مهدى موعود!
قيترمه الى بوش بو قوناقلارى بوگونده
آچ ديل گؤزيوى باخ دل عشّاقه «بشيرا»
عشقيله ايشقلاندى چیراقلارى بوگونده
- یکشنبه
- 15
- فروردین
- 1400
- ساعت
- 20:26
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه