گلوب بقيعه خداحافظ ايلسين شه دين
زبانحاليله عرض ايلدى امام حسين
مدينه دن گئدروخ آى آنا خداحافظ
اولوبدى مقصديميز كربلا خداحافظ
بلالى دير باشميز اولمشوخ بلايه دچار
بيزى حصار ايليوبدور بلا خداحافظ
گلوب وداع ائليه با وفا ابوالفضليم
كه منتظردى اونا نينوا خداحافظ
حسينيوى فلك آيرى سالور مزاروندن
قالور سنيله ولى مجتبا خداحافظ
بهشت عطرى گلور قبريوون ترابیندن
بو عطره روحيم اولوب آشنا خداحافظ
اوزوملوق اولسا اگر، قبريوى قويوب گتمم
جدا ائدور منى سندن جفا خداحافظ
اگر چه من گئدورم گلميم، قالور روحيم
بو يئرده حاليوه ائتسين نوا، خداحافظ
مدينه نى سنه خاطر چوخ ايستورم امّا
يوخومدى چاره اوزوم مبتلا خداحافظ
اگر من ئولمگيله دين حق ديرى قالاجاق
بو جانى مكتبه قيّلام فدا خداحافظ
اليم اوزولدى بابام احمدين جواريندن
گلر هايانه گئدم مصطفا خداحافظ
يولا سالور منى گوى اهلى يكسره آنا باخ
گلوبدى بدرقمه انبياء خداحافظ
اوغول مسافرت ائتسه يولا سالار آناسى
اياقه دور منى سن سال يولا خداحافظ
سنوب قابرقالارون راضى اولمارام دوراسان
فقط بيور منه بير يول بالا، خداحافظ
دعا ائله منيم آرديمجا تا باتوم قانه
قبول اولار آنادان هر دعا خداحافظ
يقين واريمدى گلرسن منيم باشيم اوسته
دير اودم كه منه چوخ يارا خداحافظ
گئدور منيله بو گون قهرمان باجيم زينب
حاضرلاشوبدى اسير اولماقا خداحافظ
بشيرى دعوت ائله قبريوه قوناق گلسين
گلوب گئدنده دئسين اى آنا خداحافظ
- دوشنبه
- 16
- فروردین
- 1400
- ساعت
- 18:0
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه