نقّاشه من دئديم: منه بير عكسِ يار چك
ديل صفحه سينده نقش و نگارِ نگار چك
سعي ايله، ايله چك كي اونون اولماسين تايي
اُول كلكِ زرنگاریله بير شاهكار چك
كونلوم ائوينده اُول شكيلي تابلو ايليوم
باخدوقجا ياري ياد ائليوم يادگار چك
فرمايش ائتدي: سويله كي يارون نه شكليدي؟
تئز سويلديم كي سرو قدين استوار چك
قاشلايني كامان ائله كيپريكلرينده اوخ
صيّاد چك اوني منيده بير شكار چك
واردير قيزيل گولون اونا بير آز شباهتي
گول چك اوني،گول اوزلولري مثل خار چك
آدين سوروشدي، عرض ائلديم: «نرگسين گولي»
گولدن گلوب وجوده اونو گولعُذار چك
بير خالِ هاشمي صاق اوزونده قرار وئر
اُول خالين عشقينه هاميني بيقرار چك
رخساريني گونوز كيمي آيدين، ايشيق، دُورو
زُلفون قره، تِلين شوه چون شام تار چك
هامّي دئسون گئجيله گونوز ال اله وئروب
وار اولسون اللرون ائله ليل و نهار چك
چك درگهينده شاهلاري يولچي، غلام، قول
تخت عدالت اوسته اوني تاجدار چك
بير جمعه ذوالجناحه مينوب ايلير قيام
چكسون پياده خلقي، اوني شهسوار چك
شمشيرِ شيرِ حقّيله كفّاري ئولدورر
پور عليدي صاق الينه ذوالفقار چك
نقّاش سؤيلدي: اوني چوخداندي چكموشم
عشقيم دئدي چكنده بوني مستعار چك
گيزلينده دور هله اونا چون يوخدي مشتري
گر چه ديور بير عدّه گهي، آشكار چك
هر كس دورور اياقه ديور منده عاشقم
يوخ بير نفر دوروب دييه بسدور كي عار چك
مهدي اوز عاشقيندن عمل ايستيير فقط
ميدانه صدقيله عملون هر نه وار چك
گوشِ دلِ «بشير»ه بو سس گلدي غيبدن
دوز عاشق اُول گلينجه او يار انتظار چك
- سه شنبه
- 17
- فروردین
- 1400
- ساعت
- 18:31
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه