ای ماتمی باغ جنان اباعبدالله
ماتم دوتوب اهل جهان اباعبدالله
بیز هامی میز عبدالحسین سن بیزه مولا
جان جهان جهان جان اباعبدالله
دل گوشه سینده خیمه ی ماتم بپادی
منیم کعبه ی آمالیم کرب و بلادی
آلله بیلوری که دنیایه وئرمم بو آدی
آتام آنام سنه قربان اباعبدالله
خلوتسرای عشقیده ماتمون قوررام
او قدری غم لر چکرم غم لری یوررام
سینون دوشنده یادیمه سینه مه وررام
ای سینه سی مجروح اولان اباعبدالله
جاندان کئچوب چکدون باشا جام آلامی
گئیدون منای عشقیده قانلی احرامی
ایلدون احیا دل دهریده دین اسلامی
سندندی بو دین و قرآن اباعبدالله
باشه هامی قاره باغلار سنون غمونده
آه آتشیله دل داغلار سنون غمونده
یئرلر آغلار گویلر آغلار سنون غمونده
ای حق یولون وئرن نشان اباعبدالله
آخار سو یانینده چیخوب تشنه لب جانون
یارالی سینوندن آخوب سو کیمی قانون
لاله کیمی قانه باتوب پیر و جوانون
آغلار سنه پیر و جوان اباعبدالله
سیدبشیرم نوحه نی دوتدوم دم یازدیم
بانی اولوب ابراهیمی دلده غم یازدیم
انشالله که قبول اولار گرچه کم یازدیم
آمین دییر سینه زنان اباعبدالله
- چهارشنبه
- 18
- فروردین
- 1400
- ساعت
- 18:49
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه