• جمعه 10 فروردین 03

 سیدبشیر حسینی میانجی

نوحه سجاده ی اشک -(یاحسین بزم عزاده آغلاروق)

533

یاحسین بزم عزاده آغلاروق 
جمع اولوب ماتمسراده آغلاروق 
جان وئروب بیمار دشت کربلا 
یاس دوتوب زین العباده آغلاروق 
 
آغلیوبدور او اوتوز بئش ایل سنه 
سو وئروبدور گوزیاشیلان گلشنه 
وار یقین جان اوسته آغلارمیش گئنه
بو جهتدن فوق العاده آغلاروق 
 
تاپشیروب کرب وبلانی بیزلره 
شرح ائدوب درد و بلانی بیزلره 
اؤرگدوب راز دعانی بیزلره 
اُول غریبه اَل دعاده آغلاروق 
 
آه او گوندن گؤزلری آغلار قالوب 
سینه سی لاله کیمی داغلار قالوب 
قولاّری زنجیریله باغلار قالوب 
محنتی اولدی زیاده، آغلاروق 
 
کربلاده چوخلی عطشانی گؤروب 
علقم اوسته جسم سقّانی گؤروب 
آلتی آیلیق تشنه قربانی گؤروب 
سالّوق اُول مظلومی یاده آغلاروق 
 
اؤز غمین اُول غمگسار آسان سانوب 
غم اؤدیلا اؤد دوتوبدور اؤدلانوب 
زهریله آخر یانان قلبی یانوب 
نی کیمی دشت نواده آغلاروق 
 
قبری زینتدور بقیعه گول کیمی 
حیف اولا پؤزقون قالوب سونبول کیمی 
آغلیار زائرلری بولبول کیمی 
یاد ائدوب زیرِ لواده آغلاروق 
 
مکّیه گئتساق گؤرنده زمزمی 
ایلَروق گؤزده مجسّم علقمی 
تشنه قربانلارین اولّوق همدمی 
سس چکوب قانلی مناده آغلاروق 
 
آغلیوب سجّاد چون دائم سنه 
آغلاروق بیز قائم و صائم سنه 
منتقمدور حضرت قائم سنه 
او گلینجه غمسراده آغلاروق 
 
آغلیور باغ و چمنلر یاحسین! 
یاس دوتوبدور یاسمنلر یاحسین! 
بو «بشیر» و سینه زنلر یاحسین! 
قسمت اولسا کربلاده آغلاروق 

  • چهارشنبه
  • 18
  • فروردین
  • 1400
  • ساعت
  • 19:35
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید


حجم فایل 177.85 KB
تعداد بازپخش 11
تاریخ بارگذاری چهارشنبه 18 فروردین 1400 15:09

ارسال دیدگاه



ورود با حساب گوگل

ورود کاربران