• چهارشنبه 1 اردیبهشت 00

 سیدبشیر حسینی میانجی

نوحه شهادت امام رضا(ع) -(یا امام رضا آدیوه قربان اولوم)

11

یا امامِ رضا آدیوه قربان اولوم 
ایسته بو جمعیله قبریوه قربان اولوم 
 
گرچه نالایقم – قبریوه عاشقم 
یارضا جان! یارضا جان! 
 
 ای ملقّب اولان ضامن آهو رضا! 
ایلر عاشقلرون حق حق و هو هو رضا! 
سنه دیل داغلیار لاله ی خوشبو، رضا! 
کیم سنی یاد ائدر – آه و فریاد ائدر 
یارضا جان! یارضا جان! 
 
 سنه عاشقدیلر پیرو جوانلار آقا! 
بزم ماتم قوروب قلبی یانانلار آقا! 
آغلیار حالیوه سینه ویرانلار آقا! 
عاشقم آدیوه – منی سال یادیوه 
یارضا جان! یارضا جان! 
 
 جنّته اوخشیور صحن و رواقون سنون 
گوگلوم ایستور اولام منده قوناقون سنون 
آغلارام، زهریله یاندی دوداقون سنون 
گلدی اوغلون جواد – ایلدی آه و داد 
یارضا جان! یارضا جان! 
 
 ای بهشتِ بریندن حرمی باصفا! 
قاپی سیندا اولان حاتم طایی گدا 
گوز تیکوبدور سنه ملتمسینِ دعا 
هاموسین برملا – ایله حاجت روا 
یارضا جان! یارضا جان! 
 
 آند وئرّم سنی حضرتِ معصومیه 
شهر قم¬دا اولان تربتِ معصومیه 
نوکر ایله منی دولتِ معصومیه 
اودا اولدی غریب – سن کیمی بی نصیب 
یارضا جان! یارضا جان! 
 
او زمان کی گلر جان آلا پیک اجل 
اونا تاپشور منی ای شهِ عالی عمل 
من ئولندن صورا تربتیمین اوسته گل 
روحوم آزاد اولا – دمبدم شاد اولا 
یارضا جان! یارضا جان! 
 
 آخرین روزِ ماهِ صفر اولدی آقا! 
ماتمونده هامی خونجگر اولدی آقا! 
فقط آلله بیلیر کی نَلَر اولدی آقا! 
هامی آغلار سنه – سینه داغلار سنه 
یارضا جان! یارضا جان! 
 
بلبل باغِ غم یعنی «سعیدی» بوگون 
یاد ائدر سن کیمی شاه شهیدی بوگون 
قلبِ زارینده وار چوخلی اُمیدی بوگون 
یازدی «سیّدبشیر» - نوحه ی کم نظیر 
یارضا جان! یارضا جان!

  • چهارشنبه
  • 18
  • فروردین
  • 1400
  • ساعت
  • 20:30
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران