من اورك سندن صورا بير اوزگه ياره وئرمرم
قلبيمي من آيري ياره اولسا چاره وئرمرم
وار جمالونده گوزلّيك آيه سي اي سئوگولیم
سن كيمي ايستكليني مين گول عُذاره وئرمرم
بير باخيشدا الدن آلدون عقليمي ايمانيمي
گول جمالون گولشن و باغ بهاره وئرمرم
قويمارام اغيار الينده يار بي مقدار اولا
يوخسا عقل و دينی هر چشم خماره وئرمرم
بير پرى چهره آلوب آراميمى بير يول فقط
چارهم اولسا من گولي گولشنده خاره وئرمرم
من سني خلوتده ياد ائتدوكجه گوزياشيم آخير
بو یانیقلی کونلو اغياره دوباره وئرمرم
دوت اليمدن تا اياقوندن ئوپوم اي خوش لقا
گوزلريم چوخ با وفادي آبشاره وئرمرم
حُسنوه واردورخياليم جانيمي قربان ائدم
من اياقون توپراقين هئچ بيرعياره وئرمرم
باخ بشيره گوشه چشميله، گور سويلور مدام
سن آلان جاني جهاندا هئچ نگاره وئرمرم
- جمعه
- 20
- فروردین
- 1400
- ساعت
- 22:35
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه