اولان ای اهل دینون عزّ و جاهی!
الهی یا الهی یا الهی
پناهسیزلارین عالمده پناهی،
الهی یا الهی یا الهی
الهی رحمتون دریادی دریا
مقام و عزّتون والادی والا
سنون مین بیر آدون زیبادی زیبا
تک آلله‌سان بونا وئررم گواهی
الهی یا الهی یا الهی
وئرن ای توبه‌کاره عزّت و جاه
گلِ «لاتَقنَطُوا مِن رَحمَةِ الله»
هامی گولدن گوزلدی گوزده والله
بو سوزده گورسدوبسن راه و چاهی
الهی یا الهی یا الهی
اولوب ذکر لبیم هر روز و هر شب
به حقِّ حق، به حقِّ دین و مذهب
قلم چک زشت اعمالیمه یارب
باغیشلا بو ذلیل و روسیاهی
الهی یا الهی یا الهی
الیم بوشدی گناهیم چوخدی یارب
گناهیمه گواهیم چوخدی یارب
اودور کی سوز و آهیم چوخدی یارب
نه نوعی چکمیوم من دیلدن آهی
الهی یا الهی یا الهی
الهی احمد مختاره خاطر
گرامی عترت اطهاره خاطر
بتول و حیدرِ کرّاره خاطر
«بشیر»ی عفو ائله چوخدور گناهی
الهی یا الهی یا الهی
- جمعه
- 20
- فروردین
- 1400
- ساعت
- 22:44
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه