بو گون يئتميش ايكي گول پرپر اولدي
ديار كربلاده محشر اولدي
او گون كي آغلادي دنيا، بو گوندي
او غملي روز عاشورا، بو گوندي
كه يعني محشر عظما بو گوندي
خانيم زينب بو گون بي‌معجر اولدي
جفائيلن اسوبدور باد صرصر
پؤزولدي گلشن آلِ پيمبر
حسينيم واي سسيندن عرش، تيترر
ملك‌لر عرشيده چوخ مضطر اولدي
وورون اي شيعه‌لر زنجير و سينه
اؤركدن آغليون مظلوم حسينه
حسين قربان اولوب قرآن و دينه
اوشاقلاري اسير لشكر اولدي
ديون اي يار و يولداشلار! حسين‌واي
مسلمان باجي قارداشلار! حسين‌واي
قولاق وئرسوز ديير داشلار حسين‌واي
نه‌چون كون و مكان بي‌رهبر اولدي
شبيه حضرت پيغمبر اكبر
فضاي حُسنیده مه‌منظر، اكبر
یارالی مرتضايه بنزر، اكبر
داغيلدي قطعه قطعه پيكر اولدي
امام مجتبانين جاني قاسم
ياخوبدور ال‌لره القاني قاسم
غمينده آغلادوب زهراني قاسم
آناسی دهریده، بي‌ياور اولدي
ديون قولاّره قربان يااباالفضل
بيزي قووما قاپوندان يااباالفضل
اؤزون قيل درده درمان يااباالفضل
حسين عاشقلري بي‌سرور اولدي
سوسوزدان اؤد دوتوب اؤدلاندي اصغر
سارالدي سولدي گول‌تك ياندي اصغر
ال اوسته اوخلانان قرباندي اصغر
آدي اصغر مقامي اكبر اولدي
حسين‌جان! قيل توجه بو حقيره
سني وئرّم قسم قولسوز وزيره
شفاعت ايله محشرده «بشير»ه
اوشاقليقدان قاپوندا نوكر اولدي
- شنبه
- 21
- فروردین
- 1400
- ساعت
- 18:13
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه