مرحبا صد مرحبا کرب وبلا زوّارینه
فاطمه ایلر دعا کرب وبلا زوّارینه
جان حسین جانان حسین
جان سنه قربان حسین
کربلانین یولاّریندا کیم قدم وورسا اگر
یاحسین سسلر یورولسا قلب ائویندن دینجلر
عالم معناده زهرا زائره امداد ائدر
سینه وور اُول همصدا کرب و بلا زوارینه
کربلا زوارین آلله بدنظردن ساخلیار
لطفیله آسیب های بحر و بردن ساخلیار
سایه ی صاحب زماندا هر خطردن ساخلیار
یار اولار مهدی آقا کرب و بلا زوارینه
مرحبا اُول کس کی عشق کربلا بیماریدی
کاروان زینب و زین العباد غمخواریدی
زائر کرب وبلا، عرش خدا زوّاریدی
حافظ جاندور خدا کربوبلا زوّارینه
گلدی زینب اربعینده کربلایه دلغمین
آه چکدی آغلادی سالدی جهانه شور و شین
سسلدی گلدی باجون دور پیشواز ائت یاحسین
سؤیله خوش گلدین اخا کربوبلا زوّارینه
آیریلیقدان گورنئجه زینب قوجالدی یاحسین
قانه باتمیش کؤینگون اللردن آلدی یاحسین
آلتی گوشه قبرون اوسته گَئتدی سالدی یاحسین
خوشدی بو آه و نوا کربوبلا زوّارینه
الّی دؤرد ایلدی سنه قارداش اورکدن باغلیام
گلمیشم آهیله قلب انس و جانی داغلیام
قبرون آغوشه آلوب بلکه دویونجا آغلیام
فخردور بو آغلاما کربوبلا زوّارینه
خواهشیم واردور خبر آلما رقیّم بس هانی
آخدی راه شامیده دشته ایاقیندن قانی
یاره لی باشون گورنده چیخدی جسمیندن جانی
اولمادی همراه اولا کربوبلا زوّارینه
بارالها آچمیشام ال دوتموشام من یوز سنه
زینب کبرایه خاطر لطف ائله بو ایل گنه
قسمت اولسین کربلا «سیدبشیر»یلن منه
ایله همدم ای خدا کرب و بلا زوارینه
- شنبه
- 21
- فروردین
- 1400
- ساعت
- 18:18
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه