گنه‌ده الیمه قلم آلدیم
نه قلم ائله‌بیل علم آلدیم
گوز تیکدیم گوزیاشیمه من
سالدیم قئره‌نی باشیمه من
یازدیم چون ابوالفضل آدین
عشق آلدیم پاداشیمه من
آذری‌ام من آذری‌ام
قولسوز آقامین نوکری‌ام
تاریخ عشقی چیخمیشام، عشقه مثَلدی عباس
سسلر گوزل‌لر یکصدا، آیدان گوزلدی عباس
من عشق، لباسین سویمام
عباسین آدیندان دویمام
یارب بو ایشه ممنونم
که اوشاقلیقدان مجنونم
آنام اورگئدوب بو آدی
دائم آناما مدیونم
گل یاسه فقط عشقیم وار
عبّاسه فقط عشقیم وار
کرب و بلاده قبرینه، مهمان اولیدیم ای کاش
باب الحوائج آدینه، قربان اولیدیم ای کاش
عطر آل قئره پرچم‌لردن
تا قورتولاسان غم‌لردن
بلبل که گلور احساسه
عاشق یارانوب گل یاسه
عاشق اودی کی عاشق اولا
اوجا بوی آلاگوز عبّاسه
بو مطلبی آزاده بیلر
عاشقدی اونا آذری‌لر
گل نطقه سسلن یاحسین، من عشقوه علیلم
صدق دیلیه گلمیشم، عباسیوه دخیلم
- شنبه
- 21
- فروردین
- 1400
- ساعت
- 18:20
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه