اَلی شمشیریده اوچ یوز نفر آماده قوشون
کینه لر تک تکینون جاریدی رخساریندن
اولین مشعلی ثانی ئوزی آتدی قاپیا
شعله قوزاندی بهشتین در و دیواریندن
بامین اوسته اوتوران قوشلاری قورخوتدی اَلو
پر آچوب اوچدولا تز عاطفه گلزاریندن
گوردیلر وقتیدی کی مانعی رفع ایلیه لر
یخالار حقین ائوین پایه و پرگاریندن
بیر قدم گئتدی دالا ثانی صورا ووردی لگد
وای او سینمیش قاپینون ناوک مسماریندن
گول تیکاندان ئوزون آزاد ائدوب اگلشدی یره
آخدی قان دامنینه سینهء خونباریندن
اوتلی بیر هیزمی قُنفذ خانیما وئردی نشان
دئدی آل هدیه می کچمه سوزون اجباریندن
دسته گول باغلامیشام محسنووین آد گونونه!!!
آسلیارسان بالوون گوشهء گهواریندن
- سه شنبه
- 24
- فروردین
- 1400
- ساعت
- 16:24
- نوشته شده توسط
- یوسف اکبری
- شاعر:
-
وفا منافی اردبیلی
ارسال دیدگاه