دوقّوز ایل بیر سقفین آلتیندا عجب خوشبختیدوک
دوقّوز ایل باهم حریفِ روزگارِ سختیدوک
شاد اولاردی آینه دیدارِ زلف و شانه‌ده
غملرینده طعمی فرق ایلوردی بو کاشانه‌ده
غصه‌لر یوزدن دَره بیلمزدی لبخندین گولون
آیریلیق آشفته حال ائتمزدی پیوندین گولون
خوش دگول بیر آن فراموش ائتسه یولداش یولداشی
سن بیاباندا توکِیدون تر ، من ائوده گوز یاشی
گون باتینجاق شُخم ائدردون نخلزارِ یثرب
یل سَپَردی چیگنووه گرد و غبارِ یثربی
دوقّوز ایل دردآشنای حاذق اولموشدوم علی
من همان گرد و غباره عاشق اولموشدوم علی
ایستمزدون کوشش و بخشِشده دوشسون فاصله
پایلیاردون آلدیقون مُزدی چاتینجاق منزله
کوچه کوچه دولدوراردی شهری احسانون سنون
بسکی پُرباریدی گندم زارِ دامانون سنون
هر گجه وارد اولاندا سن صفالی گلشنه
تز قاچوب پیشوازه سویلردیم خدا قوت سنه
قویمازیدیم صحنِ منزلده سؤنه مشعللرون
دستِ خالیده قییتسیدون ئوپردیم اللرون
- سه شنبه
- 24
- فروردین
- 1400
- ساعت
- 16:27
- نوشته شده توسط
- یوسف اکبری
- شاعر:
-
وفا منافی اردبیلی
ارسال دیدگاه