آی منیم دلبریم اوغول گل
یولدادی گوزلریم اوغول گل
جان وئرور ضامن غریبان
آی منیم یاوریم اوغول گل
آتاوین گوزلرینی گل باغلا بالا
یوخ منه آغلیان ئوزون آغلا بالا
جوادیم گل_جوادیم گل(2)
یاره لی دیلده سوزشیم وار
غملریلن کشاکشیم وار
سن نن ای باوفا جوادیم
بیرده بیر آیری خواهشیم وار
قویما تا قلبیمین باشی درده گله
بیر کفن حاضر ایله سن یوللا منه
جوادیم گل_جوادیم گل(2)
دیلده وار چوخ سوزوم جواده
هی دیردیم ئوزوم جواده
جان چیخان وقتیده یومولماز
دوشمسه گر گوزوم جواده
ایستیرم بیرسنی گوروب اوندان ئولم
صورتون بیرباخوب گوروب اوندان ئولم
جوادیم گل_جوادیم گل (2)
- چهارشنبه
- 25
- فروردین
- 1400
- ساعت
- 17:3
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه