اکبریم ای نوجوانیم آچ گوزون
ای منیم آرام جانیم آچ گوزون
غرق آهم اکبریم بی پناهم اکبریم(۲)
دین حق اوستونده وئردون جان اوغول
آخدی باشوندن یئره چوخ قان اوغول
جانیم اولسون جانیوه قربان اوغول
ای منیم روح وروانیم آچ گوزون
غرق آهم اکبریم بی پناهم اکبریم(۲)
سن گل باغ ولاسن اکبریم
قلبیمه نوروصفاسن اکبریم
شهپردینه قواسن اکبریم
ای منیم شان ووقاریم آچ گوزون
غرق آهم اکبریم بی پناهم اکبریم(۲)
باشیوه یاره نی کیم ووردی علی
عمریمون نخلینی سیندیردی علی
کیم سنه دام بلا قوردی علی
ای منیم زیبا غزالیم آچ گوزون
غرق آهم اکبریم بی پناهم اکبریم(۲)
دشمنون چوخدورجفاسی اکبریم
باشیوین واردور بلاسی اکبریم
حیدره اوخشور یاراسی اکبریم
ای منیم پشت وپناهیم آچ گوزون
غرق آهم اکبریم بی پناهم اکبریم (۲)
عشق اودین دیلدن آلیشدیراکبریم
قلبوی منلن باریشدوراکبریم
آتاوی بیرده دانیشدوراکبریم
ای منیم صبروقراریم آچ گوزون
غرق آهم اکبریم بی پناهم اکبریم (۲)
ای اولان شبه پیمبریات اوغول
کیم دئدی آتاوی بیردن آت اوغول
آی کیمین بودشتیده سن بات اوغول
ای منیم تاب وتوانیم آچ گوزون
غرق آهم اکبریم بی پناهم اکبریم(۲)
گوزلیور لیلا یولون اخیامیده
غرق اولوبسان سن اوغول القانیده
گئت قوناق زهرایه سن جناتیده
ای منیم تازه جوانیم آچ گوزون
غرق آهم اکبریم بی پناهم اکبریم (۲)
- پنج شنبه
- 26
- فروردین
- 1400
- ساعت
- 10:49
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه