سیدالساجدین درده دواسن آقا
عابد العابدین روحه صفاسن آقا
آدیوه جان فدا
شاهد کربلا
خوش گلیبسن خوش گلیبسن(2)
گلمیسن عالمه سوم شعبانیده
عشقوین وار یئری سینه ی احبابیده
افتخار حسین
یادگار حسین
خوش گلیبسن خوش گلیبسن(2)
شیعه لر فخر ائدر سن کیمی آقاسینه
هم وئرر جانینی سن کیمی مولاسینه
قلبی بی واهمه
نوه ی فاطمه
خوش گلیبسن خوش گلیبسن(2)
آنون ایرانلیدی فخر ائلروخ عالمه
واردی منسوبیمیز حسین پور خاتَمه
شهربانو خانیم
اونا قربان جانیم
خوش گلیبسن خو
ش گلیبسن(2)
آلدی آغوشینه ئوپدی یوزیندن حسین
باخجاقین مست اولوب گِئتدی ئوزوندن حسین
سویلدی جان اوغول
سنه قربان اوغول
خوش گلیبسن خوش گلیبسن(2)
اختر دینیسن سن اولاسان منجلی
آتامون عشقینه آدیوی قویدوم علی
مظهر مصطفا
نوه ی مرتضا
خوش گلیبسن خوش گلیبسن(2)
چهارده معصومون اهلی چوخ عاشیقدیلر
دوتماقا مجلس جشنیوی لاییقدیلر
بولارا ائت عطا
تذکره ،کربلا
خوش گلیبسن خوش گلیبسن(2)
- پنج شنبه
- 26
- فروردین
- 1400
- ساعت
- 11:38
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه