اوخلاندی الیمده علی اصغر باجی زینب
نه واردی ابوالفضل نئده اکبر باجی زینب
باتدی قانا قاسم،علی اکبر،هم ابالفضل
قالدی فقط اصغر منه یاور باجی زینب
میدانه گتیردیم سو آلام اولمادی قسمت
اوچ پر اوخیلان اولدی بو پرپر باجی زینب
من یاندیم علی اصغریمون حالینه اول دم
ال چالدی همی گولدی بو لشگر باجی زینب
یوخ کیمسه دئیه حرمله رحم ایله،اوشاخدی
آتدی اوخی باتدی قانا اصغر باجی زینب
اولمیدی الیم باشینون آتدا اوزولردی
قالمازدی بو پیکرده داخی سر باجی زینب
الدن اله قویما وئره لر تازه یاتوبدی
دینجلدی بیرآز غنچه احمر باجی زینب
قنداقین عوض ائت صورا وئر غملی ربابه
خوشدور بالاسین اوخشیا مادر باجی زینب
- پنج شنبه
- 26
- فروردین
- 1400
- ساعت
- 11:56
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه