شیعه لر تبلیغ ائدین تا چیخمیا یاددان غدیر
حضرت خاتم او گونکی حیدری ائتدی امیر
مین جوره یول وار گرک بیز دوزیولی تعیین ائداخ
تا نفس وار بیز گرک راه ولایتده گئداخ
سفره ی حیدر دوزون داد هر دوزی سعی ائت یئمه
ائتمسن تبلیغ غدیری آدیوا شیعه دئمه
دشمنان حیدرین قلبی گرک غملن دولا
وار بیزه مسئولیت غدیر گرک تبلیغ اولا
اولمادی تبلیغ اولوب خانه نشین فخر زمان
ییرمی بش ائیل انزواده قالدی تا شاه جهان
اول قدر تبلیغ ائله دوشسون جهانه ولوله
ذکر یاحیدر سالار کون و مکانه زلزله
رگده کی قانین گرک جوشه گلوب حیدر دئیه
فکر ائدورسن گلدی عاشورا وجوده بس نیه؟
ائتدیلر انکار غدیری کج یولی تا گئتدیلر
کربلاده اوغلونی القانه غلطان ائتدیلر
حیدرین عشقی ائدوبدور (حیدری) چوخدان اسیر
حضرت حیدر امیریمدور علی نعم الامیر
- پنج شنبه
- 26
- فروردین
- 1400
- ساعت
- 12:46
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه