حسینون آدی درده درمانیدور
وئروب واریوخون دینه قربانیدور
حسیندور شرافت حسیندور شرف
حسین تک باشا ظلمه اولدی طرف
اونون دامنین انبیالر دوتار
"صبور"یاز بی جمله سوزی دای قوتار
جهان برهم اولسا بو پاینده دی
حسینیله قرآن یقین زنده دی
حسیندور اوشاقلیقدا معراج ائدن
حسیندور شرف دهره حراج ائدن
حسین راه حقّه گوزل توشه دی
بیزیم کعبه میز قبر ششگوشه دی
سعادت حسیندور شهادت حسین
شجاعت حسیندور رشادت حسین
هامی خلق اولانلار فدادور اونا
بوتون پادشه لر گدادور اونا
حسین مدحی بی حدّواندازه دی
حسین قلعه ی عشقه دروازه دی
حسین شیعنون رگده کی قانیدی
حسین فاطمه روحیدی جانیدی
حسینون سوزی عین قرانیدی
حسین ساغر حقّه عطشانیدی
حسین اولماسا حقّیده لَنگیدی
حسین سیز بیزه زندگی ننگیدی
حسینون یقین تیغ الماسی وار
شجاعتلی غیرتلی عباسی وار
- پنج شنبه
- 26
- فروردین
- 1400
- ساعت
- 12:51
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه