حق اوسته باتان قانه حسین
سس ویر منِ نالانه حسین
ای - شه عطشان - سنه قربان - نه یاتوبسان
گل کیمی - خندان - بیله عریان - نه یاتوبسان
دور شامه گیدور قافله‌میز
گور کیمدی بو سرسلسله‌میز
دور - یولا بو - غملی قطاری - سال آماندی
شمرین الیندن - بالالاری - آل آماندی
سن نوک جداده - من پای پیاده
شامه روانم - نگرانم - آنام اوغلی
گور نجه تار اولدی - زمانم - آنام اوغلی
دور - بو یول اوسته - سنی تاری - منی دیندیر
ناقیه سن - خرداجا قیزلاریوی - میندیر
یانّام یارالی حالیوه چوخ
بیر پیرهن اگنونده یوخ
وای منه قارداش - نه الون وار - بیلگونده
بو نجه اوخدی - توخونوبدی - اورگونده
کیم سالدی بو احواله سنی
حشره کیمی آغلاتدی منی
دوشموسن آیا - ندور علّت - یوزون اوسته
یاندیم حسین‌جان - منه قارداش - ئولوم ایسته
باخ زینب زاره - وار الده نه چاره
گوزلری یاشلی - قولی باغلی - گیدورم من
شمره اسیرم - دلی داغلی - گیدورم‌من
من باخارام - ناقه‌ده یولدا - سنه قارداش
سنده جدادن - نظر ایله - منه قارداش
امر ایتگیلن عبّاس گله
بیرده علمین آلسون اله
گورسون اوجالمیش - نجه آهیم - گویه قارداش
قویماسین اعدا - بالالاری - دویه قارداش
وار منده او قدرت - وار منده او جرات
کوفه‌ده یا شامیده - فاتح - چیخارام من
گور نجه - تختدن - امرانی ییخارام من
قانیوی زینب - بو جهاندا - باتا قویماز
مقصدینه - هنده‌نین اوغلی - چاتا قویماز
- سه شنبه
- 31
- فروردین
- 1400
- ساعت
- 18:37
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه