گیدیسوز کرب و بلایه - گیدون آللهه توکل
قلبوزی غملر آلاندا - ایدون عبّاسه توسل
یوللاردا - سو گورنده دیون ایوای
جان ویرن تشنه آقام وای
یوز قویوب قبر حسینه - آقاما آغلیون اوردا
بی‌کفن پیکره خاطر - سینه‌زی داغلیون اوردا
بیر دویونجا او غریبه - بزم غم ساخلیون اوردا
تلّ اوسته - دیون عریان آقام ایوای
جان لب عطشان آقام ایوای
قبر ششگوشه یانیندا - گله سیز ناله و داده
ای جوانلار سیزی تاری - سالاسوز اکبری یاده
نعشینی خیمیه گتدی - آتاسی قانلی عباده
مخیمده - آناسی سسلدی جان جان
دوغرانان جسمیوه قربان
خیمه‌گاهینده ربابین - دیه‌سوز یکسره ایوای
غنچه وقتی سوسوزوندان - سارالان گوللره ایوای
اوخ بیچن تشنه بوغازین - سود امن اصغره ایوای
آخدیقجا - نهر علقم دیون ایوای
صود امن اصغره لایلای
سو کنارینده حسینون - شیر علمداری یاتوبدی
آدی سقّا اوزی عطشان - باوفا یاری یاتوبدی
خردا بیر قبریده قولسوز - اوجا سرداری یاتوبدی
زوّارون - اوخلانان مشگیوه قربان
قان اولان اشگیوه قربان
یا حسین ای شه خوبان - لب عطشانیوه قربان
قاسم و جعفر و عون و قوجا دربانیوه قربان
مسلم و فضل و وهب تک - یار و اعوانیوه قربان
زوّارون - یتیشوب عرض سلامه
جان فدا قاره غلامه
- سه شنبه
- 31
- فروردین
- 1400
- ساعت
- 18:57
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه