گیزلینجه گیجه یاری _گیتمه آناجان گیتمه
ترک ایتمه بالالاری - گیتمه آناجان گیتمه
سندن صورا تک قالدی - بو غمده آتام آغلار
کلثوم ایلیور ناله - هجرونده اورک داغلار
سینن یارادی گلسن - زینب یاراوی باغلار
ترک ایتمه بالالاری - گیتمه آناجان گیتمه
جانه یتیشوب آخر - غم رختین آنا سویدون
هجران اودونا سالدون - آغلار گوزومی قویدون
دلبندون حسینم من - مندن نیه تز دویدون
ترک ایتمه بالالاری - گیتمه آناجان گیتمه
قالدیم آناسیز - بیرده سنسیز نه دیوب گولّلم
قارداشیم حسن آغلار - گوز یاشین اوزوم سیلّلم
بو درده دوزوم یوخدور - سنسیز بلوسن ئوللم
ترک ایتمه بالالاری - گیتمه آناجان گیتمه
آهیم اودی حسرتله - دنیانی یاخار آغلار
قارداشیمون هجرونده - گوز یاشی آخار آغلار
دورموش الی قوینوندا - تابوته باخار آغلار
ترک ایتمه بالالاری - گیتمه آناجان گیتمه
سسلر آنا سن گیتدون - مهپاره‌لرون قالدی
درمان‌سیز اولوب دلده - چوخ یاره‌لرون قالدی
بو ایوده بیزه سندن - گوشواره‌لرون قالدی
ترک ایتمه بالالاری - گیتمه آناجان گیتمه
یاز "اکرمی" سن گلدون - تنگه بیله دنیادن
ایسته هامی بیر دردون - درمانینی زهرادن
الهام اولونوب یازدون - بو سوز سنه رویادن
ترک ایتمه بالالاری - گیتمه آناجان گیتمه
- پنج شنبه
- 2
- اردیبهشت
- 1400
- ساعت
- 13:42
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه