عم اوغلی گل باشیمی آل دیز اوسته رافتیله
آخان گوزوم یاشینی سیل اوزون محبتیله
طبیب وار کناریمده لطف قیل اگلش
مریض عشقیوی درمان ایله عنایتیله
باشیمون اوسته گَل ایله تلاوت قرآن
صفا تاپا اورگیم بو خوش تلاوتیله
بو ایوده دوقّوز ایلی دولت وصالونده
که ویرمیشم باشا بی‌انتها محبتیله
یاخنلاشوب اجلیم عمرومون گونی باتوری
سنی وداع ایدورم چوخ ملال و حسرتیله
حلال ایله منی اینجسون اگر مندن
ویرنده باری ویروم جان بو گونده - عزّتیله
بو صون نفسده گَتور قلبیمی اله - ئولورم
گوزومی باغلا اوزون دست لطف و رحمتیله
واریمدی نچّه وصیت حضور پاکوندان
عمل ایله سنی تاری - کمال دقّتیله
ازل بودور گیجه غسل و کفن ایله ئولسم
گجیله قوی منی قبره اورکده - محنتیله
قاپیمی یاندیران اشخاص بولمسین زهرا
هایاندا دفن اولونوبدور خمیده قامتیله
ایکیمجی کوینگیمی اهتمام ایدوب سویما
گوزون دوشر بدنِ سربسر جراحتیله
گوزون ساتاشمیا بلکه سینم جراحتینه
روان ایتمیه‌سن گوز یاشیوی شدّتیله
عم‌اوغلی جان سنه آخر وصیتیمدی منیم
نوازش ایله بالالاریمی - محبتیله
سنه عم‌اوغلی حسین و حسن امانتدور
محبتیله دانیش بو ایکی - امانتیله
حسینیدن گوزووی بیر زمان گُتورمیسن
بُیوتموشم اونی آگاهسن نه زحمتیله
اجازه ویرمه حسین بیر دقیقه غم‌چکسون
اوره گی دولمیه هجریمده درد و محنتیله
حسینیم آغلاسا عرش خدا تزلزل ایدر
یقین فغان ایدرم منده اهل جنتیله
حسینیمی بلورم کربلاده - کوفه‌لیلر
بویار سوسوز قانینا ظلمیله - عداوتیله
حسینیمون باشینی شمر دون چوخور یرده
یارالی، تشنه، قفادن کسر شقاوتیله
عم‌اوغلی "اکرمینون" واردی عمره بیر دردی
آخار همیشه سرشگی عذاره حسرتیله
- پنج شنبه
- 2
- اردیبهشت
- 1400
- ساعت
- 13:53
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه