سالوبدی عالمه_شراره درد فرقتون
دوشوبدی دللره_بو غمفزا حکایتون
خدا بلور نجه_یانوب بو درده دوزموشم
هامی رسانه لر_دیین زمان شهادتون
غریب و خسته جانیوه ایکی گوزوم فدا
آخان مرامون اوسته قانیوه اوزوم فدا
سوزومده یوخ چیخار دییم سنه سوزوم فدا
عجب سعادته_یتوب مرامه چاتموسان
داخی بو تلخ_روزگاری گوزدن آتموسان
فداییِ حریم_آل عصمت اولموسان
فدا اولوم سنه_نه خاک و خونه باتموسان
هامی وطن گرک غمونده سینه داغلاسین
توکوب عذاره سیل اشگینی قان آغلاسین
عزیز فاطمه اوزی یاراوی باغلاسین
شهید کربلا_کیمی داغیلدی پیکرون
بویاندی قانه _یکسره تمام یاورون
ایشیتمیشم مثال ساقی حرم سنون
دوشوبدی غربت ئولکده بدندن اللرون
باشوندا شوق قبر زینبی هوسلدون
حسینون عشقین هرزمان اورکده بسلدون
قولون دوشن زمان کیمی هرایه سسلدون
امان او لحظه دن که کربلاده اشقیا
عقابیدن ییخوب او پهلوانی توپراقا
خیامه قانلی گوزلرین دولاندیروب دیدی
باشیم دوشوبدی اللره هرایه گل آقا
سو مشگیم اوخلانوبدی قوللاریم اولوب قلم
سینوبدی کاسهٔ سریم قانا باتوب علم
بو حالیله خیامه من اخا نجه گلم
- شنبه
- 4
- اردیبهشت
- 1400
- ساعت
- 16:43
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه