گل نیلوفر جنان_شرف اهل آسمان
مه تابان کهکشان
زهرا اویان
باشون اوستونده نیمه جان_بو منم
آغلورام عیان
یتیشور موقع اذان
زهرا اویان
گورورم عمروون سوزولور ستاره لری آخوبدی گوزون
گورورم گول کیمی سارالوبدی فاطمه جان سولوبدی یوزون
سنی تاری دوباره گوز آچ بالالاریوی دانیشدیر اوزون
گلثومی گل آتما
مهتابیم تز باتما
زهرا جان علینی آغلاتما
مهپاره حسن آغلار
گوزیاشین یوزه باغلار
سن سیز گور نجه دل داغلار
آلوب اطرافیوی حسین
ایلیور گورنه شور و شین
یانوب آغلور او نور عین
زهرا اویان
دوزه بولمز فراقیوه
دوشنوبدور ایاقیوه
آل او طفلی قوجاقیوه
زهرا اویان
بلوسن کربلایه قضا چکوب آپارار حسینی قوناق
ییخار آتدان بلالی چوله آرایه آلار سپاه عراق
ایکیمیز قتلگاهه حسین گرکدی شهید اولاندا گیداخ
گول جسمی چوللرده
اللر یوخ پیکرده
اعضاسین سویاللار اللرده
مقتلده قالار عریان
اخیامی اولی تالان
قیزلارین اسیر ایدر عدوان
- شنبه
- 4
- اردیبهشت
- 1400
- ساعت
- 16:46
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه