دایان مدینه غزالی
سپهر غصه هلالی
بو نصف شب سنه قربان
مزاره گیتمه یارالی
خزانه دوندی بهارون
ملر قالوب بالالارون
آنا_ دی زینب زاره
هایاندی غملی مزارون
زینبم عمرومجه ماتم ساخلارم من آغلارام من
سینه وین مسمار یاراسین باغلارام من آغلارام من
چیخمامیش روحیم بدندن
گل آنا آیریلما مندن
کیم بو سنّینده آییردی
زینبی گوزیاشلی سندن
اللری قوینوندا تابوته باخوب آغلور حسینون
گوزیاشین آردونجا رخساره توکر نور دو عینون
یوخ الده دردیوه چاره
سالوبدی قلبه شراره
کیمین جهاندا آناسی
گیجه گیدوبدی مزاره
سنون کیمی ئولن اولماز
بو نسگلی بولن اولماز
یتیمه قیزلارین اشگین
آنا کیمی سیلن اولماز
صبح اولونجا بوش اطاقونده آنا زار و پریشان
بو گیجه دورت باجی قارداش ساخلاروخ شام غریبان
- شنبه
- 4
- اردیبهشت
- 1400
- ساعت
- 16:48
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه