قالان اطفالی پریشان _آنام ایوای
دیرم گوزیاشلی حیران_آنام ایوای
بو دل شب گیتمه_زینبی ترک ایتمه
غرق آمالم_سپهری _یاندیرار نالم(2)
هامی رخت عشقون سویوب گیدورسن
بالالارون آغلار قویوب گیدورسن
آنا دویماز خردا بالالاروندان
نیه بس زینبدن دویوب گیدورسن
زینبون گوزیاشی سن سیز آخار آغلار
گیجه لر بوش بستریوه باخار آغلار
مونسیم گوزیاشدی_غم منه یولداشدی
گلمیشم جانه_کیم ایلر_زلفومی شانه (2)
آتامین دنیا ده بیرده_یوزی گولمز
دردینی یثربده سن تک_کیمسه بولمز
سنیدون غمخواری_یاور و دلداری
فاتح خیبر _جهاندا_ قالدی (2)
بو فنا دنیاده سن تک ئولن یوخ
بیله بیر حالوندن خبر بولن یوخ
غربا تک قبره گیزلین گیدورسن
بو وفاسیزلردن یاسه گلن یوخ
داخی گلمز صوت قرآن و نمازون
بوش قالار غملی ایوینده جانمازون
غصه دن دینجلدون_گیت آنا خوشگلدون
جنته مهمان_ گیدورسن_ گیت سنه سنه قربان(2)
- یکشنبه
- 5
- اردیبهشت
- 1400
- ساعت
- 21:27
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه