بار الها گره گشا سن سن
معدن بخشش و عطا سن سن
یارادان آب و گِلدن انسانی
قدرت مطلق ای خدا سن سن
کلّ خلقت فنادی یوخدی سوزوم
او که یوخ ذاتینه فنا سن سن
بیر خطا کار بندیم یارب
او که عفو ایلیر خطا سن سن
هامی یوز دوندرن زمان مندن
منه تک یار آشنا سن سن
غم و غصه سالوب منی دلدن
منی غمدن ایدن رها سن سن
آند ویرّم پیمبر حرمتینه
منی فرض ایت گدا آقا سن سن
دین و ایمانیدن اوزاق سالما
دوز یولا ایسته رهنما سن سن
« اکرمی » گیتمز آیری بیر قاپیا
باب احسان، درِ سخا سن سن
- یکشنبه
- 5
- اردیبهشت
- 1400
- ساعت
- 21:30
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه