فاطمه قلب علی سنسیز اولوب قان گیجه‌لر
باخارام بوش یریوه ایلرم افغان گیجه‌لر
گلرم چوخلی زمان غملی بقیعنون - چولونه
ایدرم من بو چولی کلبه احزان گیجه‌لر
چکرم فاطمه جان قبریوی جان تک سینمه
آغلارام قبریوین اوستونده پریشان گیجه‌لر
ئوپرم توپراقینی عطریوی اوندان آلارام
اولا تا سینه‌ده کی دردیمه درمان گیجه‌لر
سسلرم دور ایاقا قبریدن ای دخت رسول
باخ علینون پوزولان حالینه بیر آن گیجه‌لر
سنی من مین دیلیله سسلورم ای کان حیا
نه اولار سنده منه سسلیه‌سن جان گیجه‌لر
درد هجرون منی زهر ایله بیر حاله سالوب
ننه‌سیزلر کیمی اولموش ایشیم افغان گیجه‌لر
دورت بالان ایوده قوجاقلار ایله غم دیزلرینی
ایلیر ناله‌لری - عالمی - لرزان- گیجه‌لر
نالیه من گلرم بو چوله - اما بالالار
ایوده برپا ایلیر - شام غریبان گیجه‌لر
زینبون نوحه دیوب باشین آچاندا حسنین
خانه‌ی صبریم اولور فاطمه ویران گیجه‌لر
بوش اتاقونده سنون اگلشوب ایلّله نوا
اوخیار اوغلون حسین آیه‌ی قرآن گیجه‌لر
یوخودان گه اویانوب منزلی آغلار دولانار
سسلر ایوای آنا وای - شاه شهیدان گیجه‌لر
منزلیم فاطمه‌جان سنسیز عزاخانه اولوب
ایودن عرشه اوجالار ناله و افغان گیجه‌لر
"هاتف " هر لحظه نهان قبریوی یاد ایلیه جاخ
ایده جاخ گوزیاشی دریا کیمی طغیان گیجه‌لر
- یکشنبه
- 5
- اردیبهشت
- 1400
- ساعت
- 21:31
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه