ای شمر قوی حسینی دویونجا گوروم گیدوم
قارداشیمی یول اوسته بیر آز دیندیریم‌گیدوم
جسمینده گور نجه گل آچوب اوخ یارالاری
بیر دسته قوی بو قرمزی گلدن دروم گیدوم
قوی چشمه‌سار چشمی ایدوم چوللره روان
بو رنگ‌رنگ گللره من سو ویروم گیدوم
قالمیش قوم اوسته گون قباقیندا جنازه‌سی
عریان قویوم بو چولده نجه من دوروم گیدوم
نه واردی معجریم نه‌ده وار ساتر و کفن
گل جسمینه بو زلفومی تل‌تل سریم گیدوم
دوشموش یوز اوسته توپراقا ویر بیر امان منه
آهسته دوغرانان بدنین دوندریم گیدوم
جان ویردی من دویونجا ولی آغلیانمادیم
قوی قتلگهده خیمه‌ی ماتم قوروم گیدوم
یوخدور غم فراقه اورگیمده صبر و تاب
چشمین سحابین هجر اودونا یاغدیریم گیدوم
آیینه صبره چالوب آیریلیق داشین
ایتدی مخاطب اوز یارالی قارداشین
قارداش قویوب جنازه‌وی عریان گیدنمورم
جسموندن آیریلوب منِ نالان گیدنمورم
شمر دنی ایاقیمی زنجیره باغلیوب
یوخدور توان دیزیمده هراسان گیدنمورم
قالّام بو چولده لشگر کین مانع اولماسا
سنسیز دیار شامه پریشان گیدنمورم
هجران دواسی دهریده هر چند صبریدور
قویموبدی صبر منده بو هجران گیدنمورم
ای جان ویرن سوسوز سو کنارینده بیر اویان
دیندیر منی اولوب اورگیم قان گیدنمورم
آچ اللرون دعایه آنام اوغلی زینبی
قیل بیر دعا که دوشدوم ایاقدان گیدنمورم
شمر و سنان اولوبدی جلوداری عترتین
شمریله شامه ای شه خوبان گیدنمورم
روحیمدی جور و ظلمیله بو دوغرانان بدن
روحیم قالور بو چولده حسین‌جان گیدنمورم
اوز نوکروندی "اکرمی" محزون اولوب دیر
ئوزگه قاپیا، قیل منه احسان گیدنمورم
- یکشنبه
- 5
- اردیبهشت
- 1400
- ساعت
- 21:34
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه