حضرت بویوردی عترت اطهاره صبر ایدون
یوخدور بو آیریلیق غمینه چاره صبر ایدون
بیربیله توکمیون گوزوزون یاشینی یوزه
غم ویرمیون یول اوسته منِ زاره صبر ایدون
دشمن باخور وقاروزی حفظ ایلیون هاموز
وورمون یانیقلی قلبیمه چوخ یاره صبر ایدون
مندن صورا زمانه سیزه تنگ و تار اولار
آگاه اولون مشیّت داداره صبر ایدون
مندن صورا جلالوزی برهم ایدر قشون
گل تک جفائیلن ستمِ خاره صبر ایدون
مندن صورا سیزه ال آچار قوم کوفیان
سیلی دگنده صورت گلناره صبر ایدون
مندن صورا خیاموزه دشمن ووراندا اود
تاراجه گیتسه معجر و گوشواره صبر ایدون
مندن صورا اسیر اولاجاقسوز بو دشمنه
قمچی ووراندا باشوزه همواره صبر ایدون
مندن صورا بیری بیروزی چوخ گوزتلیون
هر نوع ظلم فرقه ی کفّاره صبر ایدون
فرصت قوتاردی تاپشورورام جمله سیزلری
غملر اسیری زینب افکاره صبر ایدون
مندن صورا نه دردوز اولا زینبه دیون
یالوارمیون بو قوم ستمکاره صبر ایدون
زینب جوان ئولن ننه‌مین یادگاریدور
سیزده باجیم تک هر غمِ دشواره صبر ایدون
زینب، یولوز دوشنده سحر قتلگاهیدن
گورسز منیم وجودیمی صدپاره صبر ایدون
تاپشور بالالارا نه زمان اولسا مشکلوز
ایتسون رجوع عابد بیماره صبر ایدون
مندن صورا امام بلا فصیلدور بالام
هر امری اولسا واجب الاجرادی والسلام
دم ویردی یاخجی "اکرمی" دم صاحبی سنه
طبعون دایانمیشیدی سنی یازدیروب گنه
اون سگّیزی اوروجلوق آییندا دعا ایله
ویرسون بیر ایل برات زیارت بو جمعیله
- یکشنبه
- 5
- اردیبهشت
- 1400
- ساعت
- 21:37
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه