به سبک « یه قلب مبتلا تو این سینه ست » حاج محمود کریمی
بهار اشگ و ماتمون گلدی
اسور قرا علملر - عشّاقه
خبر ویرور محرمون گلدی
بیر ایلدی هر گیجه گونوز گویلوم
یانور محرّم اشتیاقینده
قسم خدایه قان اولوب قلبیم
گوزل مزاریوین فراقینده
حسین باغ و بهاریمدی
جهاندا عزّتیمدی افتخاریمدی
گوزل آدی شعاریمدی
باشیمدا تاج فخریم اعتباریمدی
بو افتخاره نائلم سن‌سن
سپهر عزّتیمده مهتابیم
دیلیمده هر زمان اولوب ذکریم
ایکی جهان حسیندی اربابیم
سنون وصالون ای کرم کانی
نولار منیمده قسمتیم اولسون
یاسوندا گیدیگیم قرا کوینگ
ئولن زماندا خلعتیم اولسون
گرفتار حسینم من
آخار اشگیم عزادار حسینم من
حسین تنها طبیبیمدی
ایکی دنیاده بیمار حسینم من
باشیمدا شوق قبر ششگوشه
بو حسرتیله من هم آغوشم
سنون غمینده کعبه تک منده
قیام حشره‌جک سیه پوشم
غلام درگهم سرافرازم
اگرچه دلده سوز و آهیم وار
منه نهایتِ سعادتدور
سنون کیمی کرملی شاهیم وار
حسین باب سخاوتدی
حسین آیات قرآندان اشارتدی
حسین دست کرامتدی
حسین تندیس صبرو استقامتدی
ترانیه دل آچماز هیچ بلبل
بهار فصلی باغ و گلشنسیز
اگر بهشت اولا جهان یکسر
آقا بهشتی نیلورم سن‌سیز
عزالیام اورک دولوب دائم
شکسته نی کیمی نوا ایستر
بهانه‌سی فقط زیارتدور
یانوب برات کربلا ایستر
گوزوم یاشی گلر جوشه
عنایت ایله بو زار سیه‌پوشه
گیجه گوندوز دعا ایتدیم
آلام قبر شریفون منده آغوشه
- یکشنبه
- 5
- اردیبهشت
- 1400
- ساعت
- 21:58
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه