سس ویر منه قارداش
جانیم فدا اولسون سنه قارداش
سن‌سیز بالالاریم
گلمیش خیم‌ده شیونه قارداش
ای شیر غرّانیم
لشگر خیام اطرافینی آلمیش
آچ گوزلرون یاتما
دور ویرمه فرصت دشمنه قارداش
ای سر سپاهیم آچ گوزون
پشت و پناهیم آچ گوزون
جان قارداش
بو فرقه‌ی شوم و دنی
یالقیزلیار سن‌سیز منی
جان قارداش
نام آوریم یاتما اویان - سرلشگریم یاتما اویان
جان قارداش
سوندی چراغ محفلیم - سن‌سیز اینان سیندی بلیم
جان قارداش
بو چولده قارداشون
سن‌سیز کیمه بیرده امید اولسون
لشگر آرا قالسین
بی‌مونس و یار و وحید اولسون
الحقّ ابوالفضلیم
اوز دِینیوه - عالی عمل ایتدون
قانلی یوزون قارداش
زهرا حضورینده سفید اولسون
ای چلچراغ مکتبیم
پشت و پناه زینبیم
جان قارداش
آواره قالدیم آچ‌گوزون- گور نه قوجالدیم آچ‌گوزون
جان قارداش
قربان بو خالی مشگیوه - قانه دولانمیش اشگیوه
جان قارداش
سس ویر اَخا دوتمور دیلیم - قوی گوزلرون قانین سیلیم
جان قارداش
- سه شنبه
- 7
- اردیبهشت
- 1400
- ساعت
- 19:58
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه