گیزلین بقیعده دفن اولان - آنا- یاننام سنه
هجرونده دونموش گوز یاشیم- قانا- یاننام سنه
ایوای دیوب دل داغلارام
بوش بسترونده آغلارام
من زینبم غم‌پرورم - آنا - یاننام سنه
غم سایه سالمیش ظلمیله - یانان - درگاهیوه
باخدوقجا ایلر زینبون - فغان - درگاهیوه
آغلار حسینون یوز قویان- زمان - درگاهیوه
گلمز غم و محنتلریم - سانا - یاننام سنه
ایوای دیوب دل داغلارام
بوش بسترونده آغلارام
بیر گوشه‌ده کلثومیله - حسن - باشدا قرا
برپا ایدوللّر هر گیجه - سنه - بزم عزا
قرآن اوخور اوغلون حسین - ولی - دلده نوا
قلبیم گرک بو غصّه‌دن - یانا - یاننام سنه
ایوای دیوب دل داغلارام
بوش بسترونده آغلارام
گیتدون مزاره نصف شب - ندن - سینن یارا
بیر کیمسه یاسه اولمیوب - گلن - ای با وفا
یکسر منه غربت اولوب - وطن - سندن سورا
هجرون گتورموش زینبی - جانا - یاننام سنه
ایوای دیوب دل داغلارام
بوش بسترونده آغلارام
من زینبم غم پرورم - آنا - یاننام سنه
- سه شنبه
- 7
- اردیبهشت
- 1400
- ساعت
- 20:37
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه