مدافعان حرم مرحبا شهامتوزه
توان بو طبعیده یوخ وصفوزه کتابتوزه
قلمدی قاصر و الکن زبان و طبعیم پیر
قلیلیدور اولا طوبا مثال قامتوزه
حبیب حی الاحد خوان حقّیدن مرزوق
یقیندی غبطه ایدر انبیا شهادتوزه
بجادی یازسام اگر مین سلام و صد صلوات
عدویه سدّ اولونان قامت قیامتوزه
بقایه چاتماقیچون سیز فنانی بوشلامیسوز
اورکدن ایلیروک غبطه قرب و غربتوزه
علینون اوغلی گیدن یولدا سیز قدم ویردوز
روادی یازسا قلم مرحبا شجاعتوزه
اولوبدی جامه ی عشقوز بدنده قانلی کفن
ننوعی یازمیوم آخر خوشا سعادتوزه
ستبر سینه دایاندوز عدو قباقینده
دییر شه دو سرا آفرین شجاعتوزه
ولایت علویدن حمایت ایله میسوز
هزار احسن و به به سیزون حمایتوزه
قالوبدی قافله دن (ثاقب) پریشانحال
همیشه حسرت ایدر همت و رشادتوزه
- پنج شنبه
- 9
- اردیبهشت
- 1400
- ساعت
- 16:2
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه