مولا شب ظلمانی دفن ایله دی زهرانی
یوز قبره قویوب آغلارآغلاتدی ثریانی
گل صورتینی قویدی تا تیره تراب اوسته
فرمان یتیشوب گویا گوزلرده سحاب اوسته
باران کیمی یوز قویدی گوزیاشی شتاب اوسته
ایسلاتدی اولان گوندن زیبا رخ مولانی
گلدی دیله ای دخت طاها گوزون آچ یاتما
تک قویما منی زهرا گوزدن منی گل آتما
دیللن دیلیوه قربان من بیکسی آغلاتما
بیریولدا منی دیندیرسن بیل حسنین جانی
سنسیز ایوه زهراجان حیدر نجه عزم ایتسون
قبره سنی تاپشورسون یا بیته نجه گیتسون
مندن سنی اطفالون ایستر ،دی علی نتسون
آرام ایلیه بیلمم من زینب نالانی
ترک ایله دی دنیانی طاها غمیله دولدون
یتمیش نچه گون زهرا دلجوی علی اولدون
قربانون اولوم ای گل آخر نیه تیز سولدون
شوریده سر ایتدون سن بو بلبل شیدانی
دعوا گونی اللرده کسگین کسریم زهرا
دور قویما منی تنها نور بصریم زهرا
باخ گور بوکولوب غمدن والله کمریم زهرا
ویران اولا زهرا جان سنسیز بیله دنیانی
زهراگوزومون یاشی القانه دونوب سنسیز
گل خانه،گولوم سولدون ویرانه دونوب سنسیز
قدقامت ایمان گور چوگانه دونوب سنسیز
شیرین سخنیم دیندیر بوقلبی پریشانی
دفن ایله دی زهرانی مولا شب ظلمانی
تاپشوردی گیجه قبره بلبل گل خندانی
یاز «ثاقب»آشفته دفترده بو عنوانی
بیر درده دییر دوشدوم یوخ فاطمه درمانی
- شنبه
- 11
- اردیبهشت
- 1400
- ساعت
- 21:7
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه