الهی صد خطا مندن ولی عفووعطا سندن
بونفسه مین جفا مندن گینه لطف و سخاسندن
ذلیلم معصیت کارم دچارنفس بیمارم
گیدوب صلح وصفامندن خدا دفع بلا سندن
کرامت بحریسن یا رب ترحم ایله بو زاره
گُنه اندر خفا مندن گینه واردور رجا سندن
هزاران اشتباهیله عریضم واردی یاالله
بوگون آه و نوا مندن نجات از هر خطا سندن
آماندی لحظه و آنی منی ئوز حالیمه قویما
الهی یوز نوا مندن اجابت بر دعا سندن
الیم بوشدور یوزوم قاره قاپوندا سائلم یارب
خداوندا صدا مندن جواب اندر ندا سندن
بو «ثاقب» حالینه لطفون محبت ایله قیل شامل
اولا حمدوثنا مندن عطا درده دوا سندن
- یکشنبه
- 12
- اردیبهشت
- 1400
- ساعت
- 19:57
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه