حسینون اولان مه جمالی
اوجا بویلی رعنا مارالی
گورن قامت و خط و خالی
دیردی نه زیبادی اکبر
قیامت قدی مثل طوبی
منور یوزی عالم آرا
کرمده حسین مثلی دریا
یوزی انجم آرادی اکبر
گل ام لیلا گوزل آدی اکبر
هامی خلق و سیما شبیه پیمبر
اکبر ای جان لیلا
شبه طاها ماه زیبا (۲)
ازلدن آدون دلربادی
اورکلرده عشقون به پادی
دیساخ بو سوزی چوخ بجادی
سنان قلبه یارادی اکبر
اورکلرده عشقون آزالماز
اولان سنله سولماز سارالماز
سیله ناکس و کسدن آلماز
عیاندی که آقادی اکبر
دوا ویر طبیبیم بو بیمار عشقه
گلاخ بیرده کرببلاو دمشقه
اکبر ای جان لیلا
شبه طاها ماه زیبا (۲) بار
ای آل علی آبروسی
شبیه حسن خلق و خوسی
هامی مست جام و سبوسی
گل باغ لیلادی اکبر
دولاندیرسا نیمه نگاهون
و یا گوستره روی ماهون
اولار وردی بو رو سیاهون
سزای تولادی اکبر
سنون عز و جاهون نه افلاکه چاتدی
خدا خلقتونده قیامت یاراتدی
اکبر ای جان لیلا
شبه طاها ماه زیبا (۲)
سنه مستوخ ای شاه عالم
علی اکبر ای شبه خاتم
چاغرروخ بو وردی دمادم
کرامتده دریادی اکبر
یوزون ماهه ایلر مساوات
آدون خسته جانه مواسات
بو برهانیله اولدی اثبات
سجایاسی عظمادی اکبر
بیزه مرحمت ایله پای پیاده
قوراخ حلقه غم او پایین پاده
اکبر ای جان لیلا
شبه طاها ماه زیبا (۲)
- یکشنبه
- 12
- اردیبهشت
- 1400
- ساعت
- 20:7
- نوشته شده توسط
- یوسف اکبری
- شاعر:
-
حاج علی زلفی تبریزی
ارسال دیدگاه