ماه محرم گلوب یرگوگی ماتم دوتوب
عالم امکانی باخ غصه دوتوب غم دوتوب
جان ویروب قارداشی زینبون
قان اولوب گوزیاشی زینبون
هرگیجه گوندوز بوآی فاطمه قان آغلیار
باغ جناندا خانم باشه قرا باغلیار
الده سوسوز جان ویرن اوغلونا دیل داغلیار
ماتمی زهرائیلن هستی عالم دوتوب
جان ویروب قارداشی زینبون
قان اولوب گوز یاشی زینبون
فاطمه نون گوللری تشنه لیگیندن سولوب
شیرخدانون گوزی اشک غمیلن دولوب
شافع محشرنبی قاره مُلَبَّس اولوب
گوزلری گریان عزا حضرت خاتم دوتوب
جان ویروب قارداشی زینبون
قان اولوب گوز یاشی زینبون
شبه نبینون اولوب خلعتی گلگون کفن
قانه باتوب ظلمیلن قاسم سیمین بدن
اصغر ایچوب قانینی جوریله جای لبن
دیده ی سقایه باخ تیریله مُنظَم اولوب
جان ویروب قارداشی زینبون
قان اولوب گوز یاشی زینبون
یوم بلا غصه دن باشینی زینب آچار
محنت اوخون کوفیان قلب ربابه ساچار
نهره طرف باشدا ال نازلی رقیه قاچار
پرچم سقانی باخ گورنجه محکم دوتوب
جان ویروب قارداشی زینبون
قان اولوب گوزیاشی زینبون
میوه ی قلب رسول برگ خزان تک سولوب
تاش توخانیب آلنینا دیده سی قانلان دولوب
فخرزمین وزمان قانینه غلطان اولوب
جمله ملک ماتمین گوگده دمادم دوتوب
جان ویروب قارداشی زینبون
قان اولوب گوزیاشیم زینبون
صوم وصلاتیم حسین راه نجاتیم حسین
جسمیمه سرتابه پا روح حیاتیم حسین
تذکره ی کربلاایله براتیم حسین
«ثاقب» دل ناگران باخ سنه ماتم دوتوب
جان ویروب قارداشی زینبون
قان اولوب گوز یاشی زینبون
- شنبه
- 18
- اردیبهشت
- 1400
- ساعت
- 13:35
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه