ظلمت گیجه نون ماه درخشانی اباالفضل
یوسفدن اولان چهره سی نورانی اباالفضل
اعجاز الین دهریده بی حد و شمارش
حیرتده قویان حضرت عیسانی اباالفضل
امّید شه ارض و سما کرببلاده
اهل حرمون شمع شبستانی اباالفضل
غیضیله ایدن پاره امان نامه ی شمری
مایوس الین دشمن نادانی اباالفضل
وهابیه ویر تو دهنی ویر بو شعاری
مهدی گلنه حفظ ایدر ایرانی اباالفضل
آگاه اولون ای فرقه ی وهابی ضاله
قویماز یخیلا پرچم قرآنی اباالفضل
سائللری ال بوش یولا سالما دی قاپوندان
ای جود وسخا و کرمین کانی اباالفضل
ویر تذکره بوجَمعه گوزل قبر حسینی
پهلوسی سینان فاطمه نون جانی ابالفضل
ای دردی اولان صدقیله سسلن بو طبیبی
السّاعه عطا ایلیه درمانی اباالفضل
افسوس اولا باغلاندی قولی یوخسا چکردی
پا بوس حسینه هامی اعدانی اباالفضل
- شنبه
- 18
- اردیبهشت
- 1400
- ساعت
- 13:44
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه