حسین مزارون اوستونه عزالی گلدیم
خرابه یرده دفن ایدوب غزالی گلدیم _ عزالی گلدیم
دونوب خزانه عمرینون بهاری قارداش
خرابه اولدی سویگولوم مزاری قارداش
ئوزوم مزاره قویدوم اول هزاری قارداش
سالوبدی دیلدن عمه سین ملالی گلدیم _ عزالی گلدیم
قیزیل گوله مثال اولان جمالی سولدی
ئورکده محنتی آنام کیمی چوخ اولدی
جفای زجریدن گوزی قانیلا دولدی
باشیمدا قاره سی ئورک یارالی گلدیم _ عزالی گلدیم
جهاندا سویلیردی غمله هم قرینم
باشیمدا قاره عمه گوزده یاش حزینم
منی آتوب ندندی یوسف مدینم
خسوفه دوشدی سویله دیم هلالی گلدیم _ عزالی گلدیم
رقیه شامه تک منیم وزیریم اولدی
انیس و مونس غم کثیریم اولدی
بالام دمشقیده قالوب سفیریم اولدی
ایدوب خرابه منزلی صفالی گلدیم _ عزالی گلدیم
ایشیقلی اولدوزوم باتوب خرابه یرده
منیم دادیم دوزوم یاتوب خرابه یرده
زواله گوندوزوم چاتوب خرابه یرده
خرابه ده قویوب او خوش مقالی گلدیم _ عزالی گلدیم
مزارون اوسته عترتون دوباره گتدیم
قولومدا قمچی ردی دیلده یاره گتدیم
رقیه دن نشانه گوشواره گتدیم
پوزولدی کاروانیمون جلالی گلدیم _ عزالی گلدیم
حریم عصمتون حسین نوایه گلموش
باجون ئورکده یاره لر منایه گلموش
عدودن ایله سون سنه گلایه گلموش
بوگون تاپوب سنیله خوش وصالی گلدیم _ عزالی گلدیم
یازاندا«ثاقب» آغلیار بو شرح حالی
اکیلدی سینمه غم و محن نهالی
دمشقیده قالوب حسین سینم مدالی
اودور ئورکده یاره دیل نوالی گلدیم _ عزالی گلدیم
- شنبه
- 18
- اردیبهشت
- 1400
- ساعت
- 14:10
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه