لطف ایله حسین درک ایله بونوکری قارداش
گل نوکریوین اولدی قلم اللری قارداش
امداده یتیش کوفه لیلر چاتدی مرامه
هنگامه دی کل بنذری وار یوم قیامه
قویما بوخبرپخش اولونا اهل خیامه
صاحب علمون دوشدی آت اوستن یره قارداش
گل عاشقیوی درک ایله تا جان ویره قارداش
مشک اولدی هدف تیره حسین سو جالانوبدی
اوچ پر اوخیلان سجده گهیم پارچالانوبدی
صاق گوز سوزولوب صول گوزه القان قالانوبدی
میدانیده سر نخ ایله دیم قانیمی قارداش
حق القدم ایلوم سنه گل جانیمی قارداش
بیرمنظره مولا سنه قوی ایندی ایدوم فاش
دوشدوم یره قولسوز آتین اوستن نجه قارداش
بیرآهن عموده هدف اولدی بو آچوخ باش
قوللاریمی اعدا قلم ایلوبدی هوسدن
دوشدوم یوزومون اوسته یره زین فَرَسدن
پرچ اولدی اول آلنیما اوچ شعبه لی پیکان
ال اولمادی چکدیم دیزیمیله اوخی بیر آن
فریاده یتیش گوزلریمه پرده چکوب قان
ال یوخدی سیلم گوزده کی القانی گوزومدن
زهرا جانی سندن نگرانم نه ئوزومدن
گل پرچمون آل نوکرین عفو ابله کرمدن
قول یوخدی اولام حامی اخا ایندی علمدن
شرمنده دی سقا سویی یوخ اهل حرمدن
فریاده گلوب آلدی قوجاقه منی زهرا
گل قویما رقیون گله مولا سنی زهرا
هیچ من دیمورم باشیمون اوسته گله سن سن
احوالیمی قارداش دیمورم هیچ بیله سن سن
یا گوزده کی القانیمی باری سیله سن سن
قلبون منه خاطر دگولم راضی سیخیلسون
تنها دیورم پرچمی گل قویما یخیلسون
زهرا آنام ایلوبدی مکلف منی قارداش
فرمایش ایدوب تا چاغورام من سنی قارداش
امدادیمه گل ای شرفون معدنی قارداش
باری دیورم گل باشیمون اوسته دی زهرا
قارداش دیمه گی مندن ئوزی ایسته دی زهرا
- شنبه
- 18
- اردیبهشت
- 1400
- ساعت
- 14:37
- نوشته شده توسط
- یوسف اکبری
- شاعر:
-
کربلایی فخرالدین اسکندری
ارسال دیدگاه