ای خلقته بهانه احسن وقاره زهرا
گلمز داخی نظیرون بو روزگاره زهرا
ای همسر نمونه شاهنشه جهانه
آینه سن بلورسن خلاق لا مکانه
سن آبرو ویروبسن هم یرهم آسمانه
محبوبسن دو عالم پروردگاره زهرا
الله سنی یاراتمش سرور بوعالمینه
مادر اولان حسن تک مولای اهل دینه
واردور یقین یاراندون سود ویرماقا حسینه
چاتدی ایکی بالوندان دین اقتداره زهرا
عزم ایلینده جنگه حیدر شه ولایت
احسن سنه ایدوبسن دین حقه حمایت
سندن آلوردی مولا بازولرینه قوت
باخدوخجا شاد اولوردی روی نگاره زهرا
احمد کی تاج سردی مخلوق عرش وفرشه
یا فاطمه دیردی هردم گيدنده عرشه
بو امته مکررایلوب سفارش اول شه
فرمایش ایتدی طاها من ماه وپاره زهرا
دردین وار ایندی دوت سن صدیقه دامنیندن
درمان آلارسان حتماً زهرانون اللریندن
ردایلمز خداوند سوز چخسا لبلریندن
هردرده واردور حتماً اللرده چاره زهرا
بوگوهر ولانی چوخ اینجیدوبدور امت
اود ووردیلار علینون درگاهینه جماعت
قویموبلا قبر اونده حتی نبینی راحت
گورموش که آسمانه چخمش شراره زهرا
دوردی قاپی دالندا امر ایتدی دوخت طاها
بوهلهله ندور بس نه ایستویورسوز آیا
بسدور داخی چکون ال خانه نشیندی مولا
ایستور حمایت ایتسون تا شهریاره زهرا
یوخدور دیین اویردن رداول داخی یوبانما
دشمن دنیدی سنده حامله سن دایانما
بیلمم نه اولدی بیر آن طوفان قوپوبدی گویا
شدتله درآچلدی دوشدی فشاره زهرا
پهلو سنوبدی الله بیردن ایله سیخلدی
سینه یاریلدی یارب مسماره قان یاخیلدی
سسلندی فضه تز گل پرگارمیز داغیلدی
غنچه گلون گوروبدی دوشدی کناره زهرا
ظلم ایلدی اجانب القانه باتدی زهرا
اولدی مریضه دوشدی بسترده یاتدی زهرا
اوچ آی گچوب اوگوندن گون مثلی باتدی زهرا
ترک ایدی اهل بیتی وار دیلده یاره زهرا
باخ ای فلک علینون پرگارینه پوزولدی
گوزدن آخوبدی قان یاش رخسارینه دوزولدی
حسرتله سویلویوردی زهرا الیم اوزولدی
مشکل گشایم اما یوخ الده چاره زهرا
سس دوشدی شهرون ایچره دوخت پیمبر اولدی
بو غم علینی بوکدی عفت لی دلبر اولدی
دوردی علی یخلدی طاقت حیدر اولدی
عرض ایتدی یاریوم من گوز آچ دوباره زهرا
وصیت ایتدی زهرا غسلون گجه ویروبدی
ردایلدی نقابین سیلی یرین گوروبدی
یاندیم دیدی بیان ایت رخساریوه نولوبدی
شرمنده یم چکوبسن غملر هزاره زهرا
آغلار گوزیله مولا تابوت قویدی یاری
یدی نفرله گویا حمل اولدی قبره ساری
سویلویوردی باوریم یوخ قازدیم سنه مزاری
نجه قویوم الیمله سنی مزاره زهرا
آواره قالموشام من قلبیمده واردی یاره
زینب لن نیلویوم باخ منه دلفکاره
گیتسم ایوه دوشر گوز قانلی اومسماره
نیلوم گوزوم دوشنده سولان گلزاره زهرا
- شنبه
- 18
- اردیبهشت
- 1400
- ساعت
- 14:42
- نوشته شده توسط
- یوسف اکبری
- شاعر:
-
عیسی نصیری
ارسال دیدگاه