الهی گوشهٔ زندانی سنگر ایلمیشم
الیمده آه جگرسوزی خنجر ایلمیشم
سریر سلطنت عشقه ائتمیشم تکیه
باشیمدا لخته لنن قانی افسر ایلمیشم
ال اوزمیشم سنه خاطر جهاندا زندگیدن
ئوزومی ذکر حقیله توانگر ایلمیشم
دمیر قفسده ده ساکت اوتورمادیم بیرآن
مبارزه بو حکومتله یکسر ایلمیشم
یاتان زماندا لحافیم اولور بو کهنه قبا
تراب محبس تاریکی بستر ایلمیشم
نَلَر گتیردی منیم باشیمه بو زندانبان
شکایتین سنه ای حیّ داور ایلمیشم
تعارف ایلوری خرمانی قمچینین گوجونه
بوظلمه طاقت وصبر مکرّر ایلمیشم
ویراندا سیلی او نامرد بی حیا یوزومه
یانوب یانان اورَگیم یادِ مادر ایلمیشم
یخیلجاقین اثر سیلیدن تراب اوسته
الیمی پیکر بی جانه لنگر ایلمیشم
- یکشنبه
- 19
- اردیبهشت
- 1400
- ساعت
- 19:20
- نوشته شده توسط
- یوسف اکبری
- شاعر:
-
حاج فرهاد فکری اردبیلی
ارسال دیدگاه