زمانه نین آجیسی روحیله روان آپارور
خزان الی اوزانور باغ و بوستان آپارور
فلک نه حربه سی وار بیزلری نشانه گیدور
مرید آل علینی همیشه قان آپارور
گونون علاقه سی یوخ چیخماقا ستاره سیسیبدی
بیر آسمان دولوسی ماه و کهکشان آپارور
مرور ایدنده تواریخ شیعیان علینی
زمام صبری گینه دشت چالدران آپارور
ولی بودفعه نه داعش نده یهودی بیدین
بیزیم قراریمیزی کورددی بی امان آپارور
اماندی نیلمک همسایه دن هارا قاچماق
کی قونشونون پیسی همسایه دن گومان آپارور
بیزیمده پرپر اولان گللریله الفتیمیز وار
بو پاک قانلاری چون عرشه قدسیان آپارور
چوخی طوی ایلمیوب ،کام آلیبلا ایماندان
بو قانی حجله گهه چوخلاری نشان آپارور
بولاردا قانلاری اوجوندا کربلایه گیدولله
حسین زیارتینـه یاخشــی ارمغان آپارور
حضور شاهه اگر نقد تحفه یوللامیوبلار
یقین بولار کف اخلاص ایچینده جان آپارور
گیدنده قاسم نو کدخــدا زیارتـینه
((بنادی نقل سپــه چشم خونفشان آپارور))*
*تضمین از استاد منزوی اردبیلی
- چهارشنبه
- 22
- اردیبهشت
- 1400
- ساعت
- 15:30
- نوشته شده توسط
- یوسف اکبری
- شاعر:
-
علی بدری آرباطان
ارسال دیدگاه